南相乳蛋散

做人同做蛋散真係唔容易架~ ~ 一定要出多D力，將粉糰轆到紙咁薄先脆架

今次唔用五香粉我加入左芝麻同南乳，咁香D同埋顔色靚D，我做時係有個份量，但當中都有加材料調整，你地有興趣可以試小小玩吓。

材料：
麵粉 200 克 、生粉 25克 、發粉2茶匙 豬油3湯匙 (可改用其他菜油)、蛋 1 隻 、清水30 至 40 毫升 、鹽1/2 茶匙 、南乳半茶匙、黑芝麻少許。

做法：
1.將麵粉、生粉、發粉、黑芝麻篩入大碗中，加入蛋、南乳、水、豬油/其他油 ，搓成粉糰。
   2.在工作桌上灑上乾麵粉，用棍壓薄， 用小刀切成長方形，在方格中間切一刀。將一邊粉格穿過另一邊，成蝴蝶狀。  
3.用中火炸至金黃色，用廚房紙吸去多餘油份待冷即成。