酒釀丸子、豆沙鍋餅

天氣轉涼後，比較想想吃高熱量食物，

今次煮左個北方酒釀丸子及豆沙鍋餅，

而且糯米丸子有部份加左可食用色素，睇落討喜一點。

酒釀丸子

材料有糯米丸子半斤、菠蘿粒半罐、什菓一罐、

酒糟半杯，沙糖1杯，蛋1隻。

燒熱水，下丸子煮至浮起，加入酒釀、菠蘿、什菓、

沙糖，待再次滾起。

生粉2湯匙、水2湯匙拌勻加入糖水中，加入拂勻雞蛋即成。

配埋個豆沙鍋餅真係完美立，其實做豆沙鍋餅都好簡單。

材料一杯低筋麵粉加一杯水一隻蛋攪勻就得，

只需要另外準備一份豆沙餡。

燒熱鍋，用紙巾搽上油倒下粉漿，趁粉漿開始定形，

就放豆沙餡，並要覆摺，

動作太慢的話，粉漿熟晒覆摺會有裂紋。

摺好後加入油煎至表面金黃及脆身。