水煮魚

打邊爐，用的是水煮魚嘅 — 麻辣湯窩。

今次做水煮魚係一個簡易版，大家可以買這種湯包，

價錢都好便宜8元人仔。但如果你有興趣自己一手一腳做個湯底

都可以跟住下面個網址動手做架。

 

內裏有三個包裝，紅色這一包是湯底，本身好夠麻辣味，一包係味料係

鹹味來源，另外一包係辣椒乾及花椒粒，想刺激d就要落埋佢la。

詳細內容你地自己睇la。

水煮魚基本上就是這些材料，但我把魚肉食完用來打邊爐，

都很好夠味。魚我是用大魚，街市無頭賣23蚊一條，記得啊，

這個四川菜不需用靚魚，重點要求係麻、辣及魚肉滑溜溜。

用油起鑊加入拍扁蒜粒，薑片，紅色醬料。

爆香後加入蒜白，鹹酸菜，水，味料包(我只用半包)，待水滾起。

若你食得辣，這時加入一半辣椒乾，花椒粒。

但我無加因試過又領教過，會頭頂出煙。

把大魚略為切開數件，放入鑊中煮至剛熟，

加入大豆芽菜，芹菜即可熄火。

原本水煮魚上枱時係無火，要用一個大面盆轉過尼架。

煮的時後是一層一層鋪上去，轉過來也是一層層疊上來。

再把魚鋪上大豆菜面。

把鹹酸菜，蒜鋪在魚上。

把湯汁淋上再加上芫茜及芝麻。

 

記得啊！把辣椒、花椒放在芫茜面上，最後燒熱辣椒油，

淋在芫茜上即可，這樣就會紅噹噹非法好看，食落又刺激。

但！我無做這個動作，大家一齊動筷吧。

冰豆腐，早幾日，煮豆腐剩左放入冰格，今日拎來打邊爐最正。

這個湯底都好重口味，係雪櫃摷左d豆腐花當甜品，解吓辣

金林水鄉

金林水鄉—位於廣東德慶官圩鎮，擁有一千七百多年的歷史，

據講係孔子第48代後人遷居於此建的。

未入這個牌坊前有一大片禾田，如果遲三星期來全部都金黃一定好睇姐。

細細果時住係鄉村地方都只係見幾次，而家香港同深圳都無可能見到禾稻la。

可能米自己種，所以佢地釀埋酒，d補酒花生任你試，真係唔怕你試估喎。

講返入到村口有分义路，右邊......啲屋.......又話古色古色？？

原來係左邊有條小路，重有對公雞在迎接客人。

大家可以沿著小路，邊走水塘邊欣賞風景，開始好似入時光隧道咁。

因為來到已是接近黃昏，而景觀......的確越來越古色古香。

這裏遊村可以選擇徒步或坐這些竹筏的。

個湖其實係將魚塘打通晒來供旅遊用，

而且不會是游湖那麼簡單，沿湖是有提供些表演的。

下面這個亭，是讓上圖這班穿得紅噹噹姐姐表演用的。

而班姐姐一見到我攞相機出來，就雞飛狗走？？？

 

沿途有好多生活及捕魚工具，都唔完全係作擺設用，

重有呀姐織吓蘿比大家睇吓咁。

沿著一條路走，她一直引導我們走，可以見盡這個村嘅不同面貌。

 

這裏的老人家很多都是百歲，所以又叫長壽鄉。

沿路家家戶戶都有泉水，真是小橋流水人家，只是無烏鴉。

 

路上又安排大家參觀豪宅，充實一下內容，滿足一下大家好奇心。

 

 

參觀完了，就到水鄉最熱鬧地方，市集立。

 

她有齊很多藥材，藥酒，真係想要乜都有。

最後大家來碗豆腐花，價錢睇下圖吧，真係好低架。

尼度d豆花你想點溝都得，我地就芝麻糊、花生糊同豆花

一齊三溝都係一蚊碗，一叫就六碗，真係唔客氣。