黃金薯條

大家有無留意到，我家的薯條好面善，好像麥當當產品，

而且唔止一次出現，因為有一間廿四小時營業係我屋企左近，

所以成日幫襯，好多時有薯條剩，而家連大小姐都怕肥，

把食唔晒薯條放入冰格架，he夠節儉la 。

材料：罐頭磨菇1罐，薯條1份，鹹蛋黃2顆，蒜茸1大匙，蔥花小許。

調味：鹽、黑胡椒粉各少許。

 

做法：

1.磨菇表面劃刀，新鮮鹹蛋汆熟取黃壓碎。

2.熱一油鍋至170度，下薯條炸至金黃盛起。

3.鍋下少許油，把鹹蛋黃碎炒至起泡，加蒜茸、鹽調味，

再下磨菇炒至均勻後，加薯條、黑胡椒粉調味，

及撒上蔥即可上碟。