肇慶七星岩公園遊湖

來到星湖，一定要影番張牌坊相，因為係朱德委員長題字架。

(其實係尼度無乜好野影  呵~  呵~ )

記得細細個第一次出門旅行，就係來尼度，影左張到此一游，所以先有

印像，成三十幾年前囉，果時有批文落來比街坊會攪，通知幾時有期、

有車、有住宿、玩邊到好巴閉架。

番一趟大陸好似打仗咁，係上水搭柴油火車人又多車又疏，有火車

來要由窗口爬入去，係羅湖過中方關時，要排隊比解放軍寫附頁，

過檢查每人要翻箱倒    咁查，一個燈胆都要打稅，六點幾出門，成團人

出晒關(果時一出關口係而家火車站大門口，對落重有成3層樓高石級架)

都過左中午，大家都辛苦，跟住搭旅遊巴到酒店，啲坐位係硬板朾又窄，

第一日係無行程，因為接待我地果兩位姐姐係公務員，

佢地係八點開工，四點收工，遲左收工佢地己經唔高興，我

太細個都辛苦到想都唔夠胆，你地可以想像佢地D晚娘面係點

而家有埋游船碼頭，重有好多類型唔同嘅船。

記得果時係有個伯伯扖艇仔，一隻船坐十個八個人到。

而家個湖大左好多？原來係用人工擴大左，將周邊魚塘，

道路都挖埋擴大佢，部分水深有12米，以前d市民會來游水，

個時湖水幾好架，我地重有團友忍唔住跳落湖游水添。

以前細個睇唔明尼七座山，而家都係睇唔明，不過有人話正中果個係

第三峰而且裏面有岩泂因而這裏得名，後面白色果個係第五峰，

我都睇唔到尼七個山係唔係成北斗七星列陣，咁你講我就聽la。

 

而個間肇慶七星奧威斯渡假酒店就係裏面，但大家記住喎

七星係因為佢位於七星岩而得名，唔係佢個級數係七星喎