水煮魚

打邊爐，用的是水煮魚嘅 — 麻辣湯窩。

今次做水煮魚係一個簡易版，大家可以買這種湯包，

價錢都好便宜8元人仔。但如果你有興趣自己一手一腳做個湯底

都可以跟住下面個網址動手做架。

 

內裏有三個包裝，紅色這一包是湯底，本身好夠麻辣味，一包係味料係

鹹味來源，另外一包係辣椒乾及花椒粒，想刺激d就要落埋佢la。

詳細內容你地自己睇la。

水煮魚基本上就是這些材料，但我把魚肉食完用來打邊爐，

都很好夠味。魚我是用大魚，街市無頭賣23蚊一條，記得啊，

這個四川菜不需用靚魚，重點要求係麻、辣及魚肉滑溜溜。

用油起鑊加入拍扁蒜粒，薑片，紅色醬料。

爆香後加入蒜白，鹹酸菜，水，味料包(我只用半包)，待水滾起。

若你食得辣，這時加入一半辣椒乾，花椒粒。

但我無加因試過又領教過，會頭頂出煙。

把大魚略為切開數件，放入鑊中煮至剛熟，

加入大豆芽菜，芹菜即可熄火。

原本水煮魚上枱時係無火，要用一個大面盆轉過尼架。

煮的時後是一層一層鋪上去，轉過來也是一層層疊上來。

再把魚鋪上大豆菜面。

把鹹酸菜，蒜鋪在魚上。

把湯汁淋上再加上芫茜及芝麻。

 

記得啊！把辣椒、花椒放在芫茜面上，最後燒熱辣椒油，

淋在芫茜上即可，這樣就會紅噹噹非法好看，食落又刺激。

但！我無做這個動作，大家一齊動筷吧。

冰豆腐，早幾日，煮豆腐剩左放入冰格，今日拎來打邊爐最正。

這個湯底都好重口味，係雪櫃摷左d豆腐花當甜品，解吓辣