滿月食盆

越來越多朋友貪圍村空氣及環境好，都搬左入去住，

的確地方大，價錢平係好吸引。

連帶我又識多左圍村人。昨天有人滿月食盆，叫埋我去。

主角就是他，一日咁長被人抱來抱去都好辛苦。

D豬腳薑好搶手，最重要薑唔辣又無渣，個醋又無乜油好味。

例牌紅雞蛋，紫薑。

這個燒柴灶台好耐無見過。

主人家特地另外煲一大煲靚湯，

而這個哥哥撐起把傘煲湯一絶，留意係用柴來煲湯架。

尼個你地估吓有乜野？

 

ho ~ 係鴨湯泥架，重好重手添架。

今日係Call 輝記盆菜，好多人食過都話好味。

唔講你唔知，如果你想幫襯散叫一兩個，佢都唔一定做你生意架，

佢要有人訂開，先會順便接埋你果個，重要你自取添。

又真係唔錯料多又好味。

特別係我鍾意嘅門鱔干，ho ho~ ~夾極都有真好。

大家都好滿意，好味，出年正月會係祠堂點燈，到時又有盆食。

自小係鄉村長大，搬左出去住，見反D咁環境好有親切感。

 

不過而家耕種地方越來越小了。