母親節食飯

琴日在我家做母親節，今天到婆婆家再做一次母親節，

而奶奶想姑奶及其他人齊先同佢做，所以遲些做。

本來得我一家三口同婆婆，中途跑出大姨，

所以就加多盒滷味，誰知5個人都吃唔晒，

最後要急call二姨媽幫手。

 

其實都好小餸不過5個人，4個要減肥，哈哈~！

 

介紹吓吃左乜，赤小豆鱆魚湯，涼拌茄瓜，蒜茸青瓜，麻辣豬耳，清炒雲耳，

電飯煲焗雞，蒸多寶魚，露荀炒蝦球，滷味，甜品係杏仁燉木瓜。

 

涼拌茄子

將生抽5湯匙、蠔油3湯匙、糖1湯匙、水1湯匙拌勻至糖完全溶化， 再加入指天椒1隻切碎，蒜茸1茶匙，芫茜1茶匙，略拌數下即完成備用。

茄子以滾水汆燙至軟，撈起瀝乾，切成段狀再擺盤， 淋上醬汁，食用前灑些芫茜即可。