老黃瓜消暑益氣湯

夏天雷雨濕氣反覆出現，容易患上感暑、濕熱等症。

要減少暑熱的發生，要多飲用消暑益氣、潤肺生津的湯水，

今次我煲這個老黃瓜花旗參燒豬骨湯就可以消暑了。

材料都有點多，老黃瓜一個，赤小豆一両，花旗參3錢，

淡竹葉3錢，陳皮一角，燒豬約半斤，西施骨半斤，蜜棗3個。

 

這裏是燒臘檔一份份賣嘅下欄，所以好平，但都好肥及鹹，

所以買回來要汆燙一吓滚水，去咁d肥，而且佢好鹹，湯要試好味先落鹽。

淡竹葉—不知何解以前是一扎扎好靚架，

而家竟然碎濕濕，重溝左d雜草咁。

老黃瓜開邊去籽，切塊記得唔好去皮喎；燒豬骨汆水，

西施骨放滾水中燙5分鐘，用水沖洗；陳皮浸軟去瓤；赤小豆洗淨

用水浸半小時；其他材料用水沖洗乾淨。各材料一起入煲，

加入清水10碗以上，大火煮滾後轉中火煲約2小時，即可。

這個湯功能都好好架，老黃瓜味甘性涼，清熱、利水、消炎、解毒。

對於喉腫痛，發熱煩渴和火眼症有效。赤小豆清熱利濕，解毒排膿。

花旗參味咁性涼，有潤清熱，生津益氣效果，對口喝肺虛久咳有效。

淡竹葉甘淡微寒，能利尿通淋，清心除煩，並能解上焦風熱。