入台證 攞到啦

琴日去左金鐘中華旅行社做左入台證，三個證225蚊，

比起托旅行社做慳番435蚊。但要等好彩上網做晒資料，

帶埋小說咁就唔使咁悶 la。

大少問點解唔做落地簽証，我都唔知點答？我又多疑心無理由直講怕出

唔到証、到時人多要排隊，(我地跟旅行團)左住晒大家時間咁架。

而且大少上次去台灣係10年前，由老細話要去到出發，得好小時間，

果次好驚險，所有証件(包括BNO)都係做快証，有專人辦理(大少係舊

公司做到部門經理，個團全部公司高層，一半旅遊一半視察

環境，果時做入台快證又多手續，又要公司信，果時費用公司包晒，佢

老細話錢攪得掂就唔係麻煩，尼句之後成為大少座右銘，不過公司之

後執左)，我又慳家樣樣要做保險一早搞掂到手我先安心架馬。

又真係好多人架。

係尼度又係好得意一入門口見好嘈，d人係度罵地方細，工作效率低，連燈光弱都嘈，但近櫃台邊d人就唔敢多聲，而且小小錯佢地都彈反轉頭，好彩而家佢地擺左一部電腦係度，不過唔知點解成Han機，成日要等同埋入多幾次。

接住落來係揾食，唔知邊度有得吃，全無概念，大家有無提議。