福建炒飯

之前忙做餅，尼兩日忙做節，又有同事升職食晚飯，

所以d blog要遲出；聽晚去錦田參加個露天自助餐，

因一飛難求，要煩到人家為我張羅入場飛，

要睇吓可以做d乜手信，送反比人，今晚炒冷飯吃算，

雪櫃囤積好多材料，所以攪左個 褔建炒飯 出尼。

開大火燒熱鑊下油，下雞蛋煎至半熟後，

加入白飯炒散，聞到香就可以盛起鋪碟底。

燒滾水，放入蝦肉，雞粒、紅蘿蔔粒、翠肉瓜粒汆水，盛起

燒熱鑊下水，加蟹柳、冬菇粒、瑤柱、义燒粒及其他料回鑊，

然後下生抽、蠔油、雞粉、糖、再以生粉水埋芡，

最後下少許老抽校色煮勻，淋上飯面即成。

手工都算粗，而且料太多，睇唔到飯，但，大家都係開飯 la 。