翠肉瓜炒魚崧

 如果係粥店吃早餐我為食會要多一份油條，但總係食小小，

今次將油條加入餸到唔好浪費，你地知 la 最近餸菜價格不停咁加，

打工仔人工無加，真係要節儉d先得。

 

油條1條，魚滑半斤，翠玉瓜2隻，

紅蘿蔔絲、蒜片及薑片各少許。

調味：鹽1/4茶匙、糖1茶匙、胡椒粉少許、生粉水。

 

將油條切片，放入熱油中炸至脆即盛起，鋪於碟上。

魚滑壓平放鑊煎至兩面金黃色，取出切件，備用。

另起鑊爆香薑片、蒜片、紅蘿蔔絲後，加入翠至瓜炒勻，

灒水略煑3分鐘至翠至瓜腍身，下鹽、糖及胡椒粉拌勻將魚肉回鑊，

下生粉水埋芡上碟放於炸好油條上即成。