豆腐魚茸羹

這個餸好適合唔想趙嘅朋友。

材料：鯇魚腩半斤，豆腐1件，什菜粒少許，蛋白1隻，

薑片3片，水四碗，馬蹄粉水5湯匙。

調味料：雞粉1茶匙、鹽1/2茶匙、胡椒粉少許

 

做法：

1.大火燒熱鑊下油，放薑片及魚腩煎香，灒水後加冚上蓋煮5-8分鐘，

撈起魚腩及薑片，魚湯留在鑊中。

2.將魚腩起骨拆肉。

3.魚湯中加入什菜粒、豆腐(切粒)，然後加雞粉、鹽及胡椒粉煮勻，

魚腩回鑊，加入馬蹄粉水埋芡，下蛋白即可熄火，拌勻成蛋花即可。

 

以前囡囡細個時經常煮這個餸，但內容有些不同，我會先煮一煲白粥，

跟著整鯇魚，到煮魚湯時會，加入白粥但不用埋芡，因粥己經很綿，

有很多澱粉質，調好味後魚肉碎及豆腐碎回鑊即成。

 

記得呵！把魚煎得香香會吸引些。